Լուկաշենկո․ «Ես իշխանությունից կառչած չեմ»

«Ես իշխանությունից կառչած չեմ», - այսօր Մինսկի մարզում գտնվող եկեղեցիներից մեկը կատարած այցի ժամանակ հայտարարել է Բելառուսի նախագահ Ալեքսանդր Լուկաշենկոն։

«Ես կանեմ ամեն ինչ, որպեսզի հանգիստ և անաղմուկ իշխանությունը փոխանցեմ նոր սերնդին», - հավելել է Լուկաշենկոն։

Նա նշեց, որ հույս ունի դեռ ապրել նոր իշխանության օրոք։ «Իմ երեխաները կապրեն։ Ես ուզում եմ տեսնել, թե ինչպես նրանք կապրեն։ Իմը՝ ոչ թե իմ անձնական երեխան է։ Իմ երեխաները՝ ահա այս երեխաներն են (եկեղեցում Սուրբ Ծննդի օրը – խմբ.)։ Ես ուզում եմ տեսնել, թե ինչպես նրանք կապրեն։ Ահա իմ նպատակը։ Ուստի սա իմ մեծ առավելությունն է, որ ես չեմ փորձում ուժով պահել իշխանությունը»,- ասել է Լուկաշենկոն։

Բելառուսի նախագահի այս հայտարարությունը հնչել է հունվարի 26-ին նշանակված նախագահական ընտրություններից առաջ։ Լուկաշենկոն այդ ընտրություններում առաջադրվել է յոթերորդ անգամ անընդմեջ։