ԱՄՆ-ում ՀՀ դեսպանը հանդիպումներ է ունեցել IRF և «Save Armenia»-ի տնօրենների հետ

Ս.թ. նոյեմբերի 7-ին դեսպան Մակունցը հանդիպեց Կրոնական ազատության միջազգային գագաթնաժողովի (IRF) գործադիր տնօրեն Փիթեր Բերնսի և «Save Armenia» քրիստոնեահուդայական միության տնօրեն Մաթիաս Պերտուլայի հետ։ Հայտնում են ԱՄՆ-ում ՀՀ դեսպանության մամուլի ծառայությունից։

Հանդիպման մասնակիցները քննարկեցին հայ-ամերիկյան հարաբերությունները, ինչպես նաև անդրադարձ կատարեցին Հարավային Կովկասում տարածաշրջանային զարգացումներին, ներառյալ՝ խաղաղությանն ու հարաբերությունների կարգավորմանն ուղղված ջանքերին, որոնց հանձնառու է Հայաստանը:

Կողմերը երկուստեք պատրաստակամություն հայտնեցին ակտիվացնել և ընդլայնել համագործակցությունն ընդհանուր հետաքրքրություն ներկայացնող հարցերի շուրջ։