Հայաստանը Վրաստանին կապող Մ6 ճանապարհը 43 հատվածով է վնասվել. նախարար

Հայաստանը Վրաստանին կապող Մ6 ճանապարհը 43 հատվածով է վնասվել, որից 5-ում ճանապարհից ոչինչ չի մնացել: Այդ մասին մայիսի 30-ին ետղի ունեցած կառավարությա նիստին հայտարարեց Տարածքային կառավարման և ենթակառոիւցվածքների նախարար Գնոլ Սանոսյանը:

«Մոտ 20 կամուրջ կա վնասված: Խոշորներն են՝ Սանահինի, Ախթալայի, Այրումի, Քարկոփի, Շնողի և Խաշտարակի կամուրջները:

Ախթալայի և Քարկոփի կամուրջների հետևանքով 7 բնակավայր Ալավերդիի հետ կապ չունեն, որոնց մատակարարումներն իրականացվում են լեռնային ճանապարհներով», - ասել է նախարարը` հավելելով, որ ջրհեղեղի հետևանքով կան հսկայական վնասված ենթակառուցվածքներ:

Նախարարը նաև տեղեկացրեց, որ մոտ 2 կմ-ի են հասնում երկաթուղու վնասված հատվածները: Բավականին երկար ժամանակ կպահանջվի երկաթուղու վերականգման համար:

Վարչապետ Նիկոլ Փաշինյանը կարևորեց ջրհեղեցից տուժած շրջաններում ավերածությունների գնահատումը:

“Շենքերի վնասվածության գնահատական պետք է տանք: Վիզուալ, կարծես թե, սեյսմիկ խնդիր չի առաջացել, բայց կարևոր է ուսումասիրել՝ այդ ջրերը շենքերի սեյսմակայունության հետ կապված խնդիրներ առաջացրել են, թե ոչ”, - ասաց վարչապետը:

Նրա խոսքով, երկաթուղու կառուցման հետ կապված ռուսաստանցի գործընկերների հետ պայմանավորվածություն է ձեռքբերվել: “Ռուսաստանցի գործընկերները խոստացել են, որ հնարավոր սեղմ ժամկետներում երկաթուղին կվերականգնվի, որը շատ կարևոր է”, - ասել է Նիկոլ Փաշինյանը: