Նիկոլ Փաշինյանին որոշ աղբյուրների կողմից վերագրվում են տարբեր հայտարարություններ. խոսնակ

ՀՀ վարչապետ Նիկոլ Փաշինյանի խոսնակը գրառում է կատարել.

"Ոսկեպար, Կիրանց, Բերքաբեր գյուղերում այսօր տեղի ունեցած հանդիպումներից հետո, վարչապետ Նիկոլ Փաշինյանին որոշ աղբյուրների կողմից վերագրվում են տարբեր հայտարարություններ։

Որեւէ հայտարարություն, որը չի հնչել կամ հաստավել վարչապետի կամ նրան ներկայացնելու իրավասություն ունեցող պաշտոնյայի, պետական մարմնի կողմից՝ պաշտոնապես հերքվում է",- գրել է Նազելի Բաղդասարյանը։

Նշենք, որ ավելի վաղ լուրեր էին տարածվել, թե Ոսկեպարում Փաշինյանն ասել է բնակիչներին, որ 90 տոկոսով պայմանավորվածություն ունեն Ալիևի հետ, որ մնում են կանգնած նույն դիրքերում: