Բրյուսելում հաստատել եմ Հայաստանին աջակցելու ԱՄՆ հանձնառությունը. Փաուեր

Ապրիլի 5-ին Բրյուսելում հայկական պատվիրակության հետ հանդիպմանը հաստատել եմ Հայաստանին աջակցելու ԱՄՆ հանձնառությունը: Այս մասին գրել է X-ի իր միկրոբլոգում ԱՄՆ Միջազգային զարգացման գործակալության (USAID) ղեկավար Սամանթա Փաուերը:

«Անցյալ շաբաթ Բրյուսելում ես վերահաստատեցի Միացյալ Նահանգների հանձնառությունը աջակցելու Հայաստանին, քանի որ այն խորացնում է իր ժողովրդավարական բարեփոխումները, ընդլայնում է իր տնտեսությունը և ձգտում է կառուցել ավելի պայծառ ապագա», - մասնավորապես նշել է նա:

Հիշեցնենք, որ ապրիլի 5-ին Բրյուսելում վարչապետ Նիկոլ Փաշինյանը հանդիպել էր ԱՄՆ Միջազգային զարգացման գործակալության ղեկավար Սամանթա Փաուերի հետ։