Ինչո՞ւ էր լռում Յագլանդը, երբ ադրբեջանական ԶՈՒ-ը խոցեցին ԼՂ-ի ռազմական ուղղաթիռը
Եվրոպայի խորհրդի գլխավոր քարտուղար Թյորբորն Յագլանդը Հայաստանին կոչ է արել անհապաղ Ադրբեջանին վերադարձնել ադրբեջանցի զինծառայող Չինգիզ Սալմանօղլու Գուրբանովի դին:
«Չնայած Եվրոպայի խորհուրդը ուղղակի մասնակցություն չունի Լեռնային Ղարաբաղի հակամարտության կարգավորման շուրջ բանակցություններին, սակայն հետեւողականորեն պաշտպանում է ԵԱՀԿ Մինսկի խմբի գործունեությունը: Մեզ անգանգստացնում է հակամարտության մարդասիրական կողմը: Ես գիտեմ, որ դեկտեմբերի 29-ին հրադադարի ռեժիմի խախտումը հանգեցրել է մարդկային զոհերի, եւ որ հայկական կողմը շարունակում է պահել ադրբեջանցի սպանված զինծառայողի դին: Նկատի առնելով այդ հարցի բացառիկ մարդասիրական բնույթը՝ համառորեն կողմերին կոչ եմ անում հարգել հրադադարի պահպանման պարտավորւթյունը եւ Աստրախանում 2010 թվականին տեղի ունեցած գագաթնաժողովում ձեռք բերված պայմանավորվածությունների համաձայն՝ անհապաղ հայրենիք վերադարձնել ադրբեջանցի զինծառայողի դին»,-նշվում է երեկ երեկոյան Յագլանդի տարածած հայտարարության մեջ:
Նշենք, որ դեկտեմբերի 29-ի առավոտյան Տավուշի մարզի Չինարի գյուղից դեպի հարավ արեւելք ընկած պետական սահմանի հատվածում, ադրբեջանական զորքերը ձեռնարկել են դիվերսիոն ներթափանցման փորձ։ Ադրբեջանական զորքերի ձեռնարկած դիվերսիոն ներթափանցման փորձի հետեւանքով զոհվել են ավագ լեյտենանտ Շավարշ Մելիքյանը, շարքայիններ Էդգար Նարայանը եւ Էրիկ Աբովյանը։ Ըստ ՀՀ ՊՆ-ի, ադրբեջանական կողմը տվել է 7 զոհ։ Ադրբեջանցի զինվորներից մեկի դին մնացել է Հայաստանի տարածքում։
Նշենք, որ Եվրոպայի Խորհրդի գլխավոր քարտուղարի այդպիսի «հետևողականությունը» շատ պահանջված էր 2014թ.–ի նոյեմբերին խոցված հայական ուղղաթիռի դեպքում։ Ադբեջամական զինված ուժերը նոյեմբերի 12–ին խոցել էին Ղարաբաղի ՊԲ–ի ուղղաթիռը, որը մասնակցում էր զորավարժություններին։ Ուղղաթիռն ընկել էր «չեզոք» տարածքում, սակայն ադրբեջանական կողմն անընդհատ ռմբակոծում էր ուղղաթիռի ընկնելու վայրը`թույլ չտալով հայկական ուժերին մոտենալ և դուրս բերել հայ օդաչուների դիակները։
Յագլանդն այդ ժամանակ չի պահանջել Բաքվից թույլ տալ վերցնել հայ օդաչուների դիակները։ «Հերթապահ» հայտարարությամբ հանդես եկան միայն ԵԱՀԿ ՄԽ–ի համանախագահները, որոնց , սակայն, Բաքուն ականջալուր չեղավ։ Իրավիճակը հանգուցալուծվել է միայն հայկական ուժերի հատուկ գործողության ընթացքում, ովքեր կարողացել են լռեցնել հակառակորդի կրակակետերն ու դուրս բերել օդաչուներին։
Միջադեպի կապակցությամբ Ադրբեջանի հասցեին հստակ քննադատություն էր հնչեցրել միայն այդ ժամանակվա ՀԱՊԿ-ը գլխավոր քարտուղար Նիկոլայ Բորդյուժան:
«ՀԱՊԿ անդամ պետության տարածքում այս գործողությունները դիտարկում ենք որպես սադրանք, մասնավորապես այս տարվա ապրիլին Լեռնային Ղարաբաղում բավականին ծանր միջադեպի ֆոնին, որի ժամանակ կիրառվեց ծանր զրահատեխնիկա»,- ասված էր ՀԱՊԿ գլխավոր քարտուղար Նիկոլայ Բորդյուժայի հայտարարության մեջ:
