Հայաստանի և Վրաստանի միջև սահմանազատման գործընթացը կակտիվանա. Փաշինյան

ՀՀ վարչապետ Նիկոլ Փաշինյանը Վրաստանի վարչապետի հետ համատեղ ասուլիսում այսօր հայտարարել է, որ քննարկվել է Հայաստանի և Վրաստանի միջև սահմանազատման գործընթացի ակտիվացման հնարավորությունները:

Նա հիշեցրել է, որ հունվարի 26-ին Թբիլիսիում Հայաստանի Հանրապետության եւ Վրաստանի միջեւ Տնտեսական համագործակցության միջկառավարական հանձնաժողովի 13-րդ նիստի ընթացքում երկու պետությունները  ստորագրել են ռազմավարական համագործակցության մասին համատեղ հռչակագիրը, որը հավակնոտ հեռանկար է ուրվագծում բոլոր բնագավառներն ընդգրկող մեր երկկողմ հարաբերությունների հետագա զարգացման համար։ 

«Հռչակագրում էական առանցք է միմյանց տարածքային ամբողջականության և ինքնիշխանության անվերապահ ճանաչումը, և այսօր նաև քննարկել ենք Հայաստանի և Վրաստանի միջև սահմանազատման գործընթացի ակտիվացման հնարավորությունները»,- ասել է Փաշինյանը։