Լևոն Քոչարյանը Ալեն Սիմոնյանի հետ կմեկնի Ժնև

Միջխորհրդարանական միության 148-րդ վեհաժողովին մասնակցելու համար 2024 թվականի մարտի 22-25-ը Ժնև կմեկնի Ազգային ժողովի նախագահի գլխավորած պատվիրակությունը։

Կազմում են ԱԺ նախագահ Ալեն Սիմոնյանը, փոխնախագահ Հակոբ Արշակյանը, ՔՊ-ականներ Հասմիկ Հակոբյանը, Արսեն Թորոսյանը, Ծովինար Վարդանյանը և Լևոն Քոչարյանը՝ ընդդիմադիր «Հայաստան» խմբակցությունից։

Պատվիրակության կազմում են նաև ԱԺ աշխատակազմի ղեկավարը, Ալեն Սիմոնյանի խորհրդականը, մամուլի խոսնակը և աշխատակազմի ևս վեց աշխատակիցներ։ Գործուղման ճանապարհածախսը, օրապահիկը և ներկայացուցչական այլ ծախսեր կիրականացվեն պետական բյուջեի հաշվին։

VERELQ-ը հիշեցնում է, որ երեկ դատարանը ՀՀ երկրորդ նախագահ Լևոն Քոչարյանի խափանման միջոցը՝ ստորագրություն չհեռանալու մասին փոխեց երկու միլիոն դրամ գրավով, ինչը հնարավորություն տվեց պատգամավորին մեկնել երկրից: