ՌԴ-ն տեղեկացվել է ՀՀ-ից ռուս սահմանապահներին "Զվարթնոցից" դուրս բերելու մասին

ՌԴ-ն տեղեկացվել է ՀՀ կողմից «Զվարթնոց» օդանավակայանում ռուս սահմանապահների աշխատանքը դադարեցնելու մասին: Երեւանի հետ շփումները շարունակվում են: Այս մասին լրագրողներին ասել է ՌԴ նախագահի խոսնակ Դմիտրի Պեսկովը, հայտնում է ՏԱՍՍ-ը։

«Իսկապես, գերատեսչական նամակն այս հաշվով ստացվել է նաեւ գերատեսչությունների գծով, այժմ շփումներ են իրականացվում։ Ավելին հիմա ասել չեմ կարող»,- ասել է նա:

Ավելի վաղ այսօր ասուլիսում ՀՀ վարչապետ Նիկոլ Փաշինյանը հայտարարեց, որ ՀՀ-ն պաշտոնապես դիմել է ՌԴ-ին ռուս սահմանապահներին Երեւանի օդանավակայանից դուրս բերելու մասով: