Հայ-հույն-կիպրական դաշինքային պլատֆորմի ձևավորումը կարևոր է Հայաստանի համար

Կիպրոսի հետ համագործակցությունը կարևոր է, ու հատկապես այն իմաստով, որ Կիպրոսի հարցը Հունաստանի համար այնպիսի խնդիր է (խոսքը հատկապես օկուպացված հյուսիսային Կիպրոսի մասին է), ինչպես մեզ համար Արցախը։ Այս մասին գրում է քաղաքագետ Արա Պողոսյանը:

"Ու այս իմաստով կարևոր եմ համարում Կիպրոսի և Հունաստանի հետ հատկապես ռազմական համագործակցությունը և դաշինքային պլատֆորմի ձևավորումը` հայ-հույն-կիպրական։

Հունաստանը Էգեյան ծովում ունի ավիացիոն գերազանցություն Թուրքիայի նկատմամբ և սա կարևոր հանգամանք է",- գրել է Պողոսյանը։

VERELQ-ը հիշեցնում է, որ մարտի 6-7-ին պաշտոնական այցով Հայաստանում է գտնվելու Կիպրոսի Հանրապետության արտաքին գործերի նախարար Կոնստանտինոս Կոմբոսը: Իսկ մի քանի օր առաջ Հայաստանում ընդունեցին Հունաստանի Պաշտպանության նախարարին: