Իրանի տարածքում թիրախ խոցելը դեռ շատ երկար հետք կթողնի Իրան-Պակիստան հարաբերություններում

Դժվար է ասել, թե Իրան-Պակիստան հարաբերությունները վերջին իրադարձություններից հետո ինչպիսի ընթացք կբռնեն ընթացիկ փուլում, բայց հասկանալի է, որ Իրանի տարածքում թիրախ խոցելը դեռ շատ երկար հետք կթողնի Իրան-Պակիստան հարաբերություններում: Այս մասին գրում է ԱԺ "Պատիվ ունեմ" խմբակցության քարտուղար Տիգրան Աբրահամյանը:

"Իրավիճակի լիցքաթափման հարցում կարևոր է Չինաստանի միջնորդական ջանքերը, ով երկու երկրների հետ էլ լուրջ համագործակցության փորձ ունի, սակայն Պակիստանի ապակառուցողական պահվածքն ու նրա գործողությունների արտաքին կառավարման գործոնը կարող է ինչ-որ պահի պայթեցնել տարածաշրջանը:

Պակիստանը վաղուց ահաբեկչություն բուծող, բազմացնող և արտահանող երկիր է, ագրեսոր պետություն, ով իր ներդրումն ունի նաև Արցախի դեմ ադրբեջանական ագրեսիայի գործում:

Նույնիսկ որոշ տեղեկությունների համաձայն, պակիստանյան հատուկ նշանակության ստորաբաժանումները մասնակցություն են ունեցել 44-օրյա պատերազմին:

Իրանում տեղի ունեցած վերջին ահաբեկչությունից հետո, տարբեր երկրներում, այդ թվում` Պակիստանում, լեգիտիմ թիրախներ փնտրելն ու խոցելը լրիվ օրինաչափ էին և տեղավորվում էին պատժիչ գործողությունների տրամաբանության մեջ",- գրել է Աբրահամյանը: