Անկարայում սպանված ՌԴ դեսպանի անունով փողոց կանվանակոչեն

Անկարայում սպանված ՌԴ դեսպան Անդրեյ Կարլովի անունը կհավերժացվի Թուրքիայում` նրա պատվին փողոց կանվանակոչեն Անկարայում: Այդ մասին հայտարարել է Թուրքիայի ԱԳ նախարար Մևլութ Չավուշօղլուն, հայտնում է ՌԻԱ Նովոստին:

«Ինձ այդ մասին հեռախոսով տեղեկացրել է Թուրքիայի վարչապետը: Մասնավորապես, այն փողոցը, որտեղ գտնվում է Անկարայում Ռուսաստանի դեսպանատունը, կվերանվանվի Անդրեյ Կարլովի անունով»,-ասել է Չավուշօղլուն իր ռուս գործընկեր Սերգեյ Լավրովի հետ բանակցություններում, գրում է «Վեդոմոստին»:

«Թուրքիայի վարչապետը նաև իր խորին ցավակցությունն է հայտնել ՌԴ ԱԳՆ-ին և ամբողջ ռուս ժողովրդին»,-ասել է Չավուշօղլուն: