Ռուսաստանը առանձնահատուկ կարևորում է ԱՊՀ-ում համագործակցության զարգացումը. Միշուստին

Ռուսաստանը առանձնահատուկ կարևորում է ԱՊՀ-ում համագործակցության զարգացումը և իր ապագա նախագահության գլխավոր խնդիրը տեսնում է ուժերի միավորումն ու միջտարածաշրջանային համագործակցությունը։ Ինչպես հայտնում է РИА Новости-ն, այս մասին հայտարարել է ՌԴ կառավարության ղեկավար Միխայիլ Միշուստինը։

«Ռուսաստանը հատուկ նշանակություն է տալիս Անկախ Պետությունների Համագործակցությունում փոխգործակցության զարգացմանը: Սա եզակի և պահանջված հարթակ է բազմակողմ համագործակցության կարևոր հարցերի քննարկման համար՝ ի շահ քաղաքացիների», - ասել է Միշուստինը: