Ստորագրվել է ԱՊՀ երկրների մշակութային և հումանիտար համագործակցության մասին հայտարարություն

ԱՊՀ երկրների կառավարությունների ղեկավարները համատեղ հայտարարություն են ստորագրել մշակութային և հումանիտար ոլորտում համագործակցության հեռանկարների վերաբերյալ։ Այս մասին լրագրողներին հայտնել է ՌԴ փոխվարչապետ Ալեքսեյ Օվերչուկը։

Նրա խոսքով, մշակութային և հումանիտար ոլորտում համագործակցության հեռանկարների մասին հայտարարությունը միտված է միջմշակութային երկխոսության պահպանմանն ու զարգացմանը, կրթության ոլորտում համագործակցության զարգացմանը, մեր ազգային լեզուների զարգացմանը:

Օվերչուկը նշել է, որ հայտարարությունն ունի առանձին մաս, որը վերաբերում է մշակութային ոլորտում ինստիտուցիոնալ համագործակցության զարգացմանը։ «Կլինեն շրջագայություններ, կինոփառատոներ, ցուցահանդեսներ՝ տարբեր մշակութային միջոցառումներ, որոնք կշարունակեն մերձեցնել մեր երկրներին և ժողովուրդներին»,- հավելել է ՌԴ փոխվարչապետը։