ԱԺ պատգամավորի թափուր մանդատը տրվել է Տիգրան Պարսիլյանին

Կենտրոնական ընտրական հանձնաժողովը ստացել է ԱԺ պատգամավոր Մաթևոս Ասատրյանի մահվան մասին ԱԺ աշխատակազմի գլխավոր քարտուղարի գրությունը:

Ինչպես տեղեկացնում են ԿԸՀ-ից՝ ԱԺ պատգամավորի թափուր մանդատը տրվել է «Քաղաքացիական պայմանագիր» կուսակցության ընտրական ցուցակի առաջին մասի հերթական հաջորդ թեկնածու Տիգրան Սերյոժայի Պարսիլյանին։ Արձանագրությունը կազմվել է նոյեմբերի 13-ի արտահերթ նիստում:

Հիշեցնենք, որ ՔՊ խմբակցության պատգամավոր Մաթևոս Ասատրյանը մահացել է նոյեմբերի 6-ին: