«Խաղաղության խաչմերուկը» հերթական փորձն է՝ Անկարայի, Բաքվի պահանջը «ջրելու» նպատակով

Էրդողանը հերթական անգամ ասել է, թե Հայաստանը պետք է կատարի Ադրբեջանի հանդեպ իր պարտավորությունները՝ նկատի ունենալով Ադրբեջան- Նախիջևան տրանսպորտային հաղորդակցության բացումը: Այս մասին գրում է քաղաքագետ Սուրեն Սուրենյանցը:

«Ես հասկանում եմ, որ Փաշինյանի «Խաղաղության խաչմերուկը» հերթական փորձն է՝ Անկարայի, Բաքվի և նաև Մոսկվայի պահանջը «ջրելու» նպատակով, բայց ինչպես տեսնում ենք՝ վերջիններս առաջնորդվում են ոչ թե կարգախոսներով, այլ կոնկրետ օրակարգերով:

Դարձյալ պնդում եմ, որ 2020թ-ի նոյեմբերի 9-ի եռակողմ հայտարարության 9-րդ կետից ոչ թե փախչել, այլ դրա շուրջ արդյունավետ բանակցել է պետք, մի կողմից, նոր պատերազմի վտանգը կանխելու, մյուս կողմից՝ ռացիոնալ լուծումներ գտնելու համար, որոնք նվազ ռիսկային կլինեն Հայաստանի սուվերենության համար»,- գրել է Սուրենյանցը: