Չեմ պատկերացնում Հայաստանի ապագան առանց ՀԱՊԿ-ի. Բորդյուժա

Հավաքական անվտանգության պայմանագրի կազմակերպության (ՀԱՊԿ) նախկին գլխավոր քարտուղար Նիկոլայ Բորդյուժան Հայաստանի ՀԱՊԿ կազմից դուրս գալու պատճառ չի տեսնում, հայտնում է ՏԱՍՍ-ը։

«Մենք շատ լավ հարաբերություններ ունենք Հայաստանում շատ քաղաքական ուժերի հետ, հետևաբար, իմ կարծիքով, դրանք ժամանակավոր երևույթներ են: Բայց, ամեն դեպքում, Հայաստանը կլինի Ռուսաստանի, Բելառուսի և ՀԱՊԿ-ի հետ»,- ասել է Բորդյուժան բելառուսական STV հեռուստաալիքին:

«Ես չեմ պատկերացնում Հայաստանի ապագան առանց ՀԱՊԿ-ի, պարզապես չեմ կարող պատկերացնել այդ ապագան, քանի որ Հայաստանն այնչափ ինտեգրված է Ռուսաստանին, և ոչ միայն տնտեսապես, և որովհետև Ռուսաստանում ապրում է մի քանի միլիոն հայ»,- ասել է ՀԱՊԿ նախկին գլխավոր քարտուղարը։