ՀՀ տարածքային ամբողջականությունը և անկախությունը վերջապես ճանաչվեց Գրանադայի հռչակագրով

ՀՀ արդարադատության նախկին նախարար Գևորգ Դանիելյանը գրում է.

"Ալմա-Աթայի 1991 թ. հռչակագիրը հիմնավոր փաստաթուղթ էր Ադրբեջանի տարածքային ամբողջականությունը ճանաչված համարելու համար, իսկ Հայաստանի պարագայում՝ ոչ, ուստի Հայաստանի տարածքային ամբողջականությունը և անկախությունը վերջապես ճանաչվեց Գրանադայի 2023 թ. հռչակագրով, ինչը և մեծագույն հաղթանակ է, և այս պարզագույն ճշմարտությունը նկատել չցանկացողների մասին «քաղաքակիրթ» գրառումների պակաս չկա ....",- գրել է նա:

Դանիելյանը պարզաբանել է նաև, որ սա իր արձագանքն է իշխանականների այն հայտարարություններին, թե Գրանադայում հաղթանակ են տոնել...

Հիշեցնենք, Հայաստանի վարչապետ Նիկոլ Փաշինյանը Գրանադայում երեկ կայացած հանդիպմանը ստորագրել է հռչակագիր, որով Ադրբեջանի տարածքը ճանաչել է 86,6 հազար քառակուսի կիլոմետր, որը ներառում է Արցախը (Լեռնային Ղարաբաղը)։