ԱԳՆ-ին է փոխանցվել Արցախի ինքնորոշման իրավունքը սատարող Արիզոնայի հրովարտակը

Արցախի Հանրապետության արտգործնախարար Սերգեյ Ղազարյանը հունիսի 2-ին ընդունել է ԱՄՆ Արիզոնա նահանգի հայ համայնքի ներկայացուցիչ Վարդան Արաբյանին, ով նախարարին է փոխանցել նահանգի ներկայացուցիչների պալատի կողմից ընդունված՝ Արցախի ինքնորոշման իրավունքը սատարող հրովարտակը։

Ինչպես տեղեկացրին Արցախի Հանրապետության արտգործնախարարությունից, նախարարը շնորհակալություն է հայտնել հրովարտակին կողմ քվեարկած բոլոր անհատներին և նշել, որ այն կարևոր քայլ է Արցախի ժողովրդի ինքնորոշման իրավունքի առաջխաղացման գործում։