Կխնդրեմ՝ հիվանդներն այստեղ ելույթ չունենան. Հարությունյանը սաստել է Ուկրաինայում դեսպանին

«Հրապարակ» թերթը գրում է.

«Դեկտեմբերի 20-21-ը Ջերմուկում դիվանագետների հետ հանդիպմանը ուշագրավ երկխոսություն է տեղի ունեցել։

Ուկրաինայում ՀՀ դեսպան Վլադիմիր Կարապետյանը խոսել է ռուս-ուկրաինական հակամարտությունից եւ Փաշինյանին խորհուրդ տվել անհապաղ աջակցություն հայտնել Ուկրաինային, քանի որ վերջինիս հաղթանակը մի քանի ամսվա հարց է։ Այս հայտարարությունը հունից հանել է ՌԴ-ում ՀՀ դեսպան Վաղարշակ Հարությունյանին, նա հակադարձել է՝ ասելով․

«Կխնդրեմ՝ հիվանդներն այստեղ ելույթ չունենան, Ռուսաստանը ոչ մի պարագայում չի պարտվի, իսկ եթե իրադարձությունները զարգանան այդ ուղղությամբ, միջուկային զենք գործի կդնեն»։

Փաշինյանն էլ սենսացիոն հայտարարություն է արել՝ դեսպաններին ասելով, որ ի գիտություն ընդունեն, որ երկիր Նաիրի գոյություն չունի։ Դիվանագետները դա ընկալել են՝ որ Արցախ այլեւս գոյություն չունի»:

Առավել մանրամասն՝ թերթի այսօրվա համարում: