Պետք է միջոցներ ձեռնարկել Ադրբեջանին պատասխանատվության ենթարկելու համար. Մարուքյան

ՀՀ հատուկ հանձնարարություններով դեսպան Էդմոն Մարուքյանը միջազգային հանրությանը կոչ է արել միջոցներ ձեռնարկել Ադրբեջանին պատասխանատվության ենթարկելու համար:

«18 օր է, ինչ Ադրբեջանը շարունակում է խախտել Լեռնային Ղարաբաղում 120 հազար մարդու հիմնարար իրավունքները՝ նրանց պահելով շրջափակման մեջ, ինչն անթույլատրելի է։ Միջազգային հանրությունն այսօր դա չպետք է ընկալի որպես նորմալ բան։ Անհրաժեշտ է միջոցներ ձեռնարկել կոպիտ խախտումների համար Ադրբեջանին պատասխանատվության ենթարկելու համար»,- գրել է Մարուքյանը Twitter-ի իր միկրոբլոգում: