«Պոբեդա»-ն վերսկսում է թռիչքները դեպի Հայաստան

Ռուսական «Պոբեդա» ավիաընկերությունը 2022 թվականի դեկտեմբերի 23-ից կվերսկսի թռիչքները դեպի Հայաստան։ Այս մասին ասված է ընկերության հաղորդագրության մեջ։

Նշվում է, որ Մոսկվայի Վնուկովո օդանավակայանից Մոսկվա-Գյումրի երթուղով չվերթեր կիրականացվեն շաբաթական չորս անգամ։

Հիշեցնենք, այս տարվա գարնանից «Պոբեդան» ամբողջությամբ դադարեցրել էր թռիչքները դեպի արտերկիր՝ միջազգային պատժամիջոցների և օդային տրանսպորտի դաշնային գործակալության համապատասխան առաջարկությունների պատճառով: