Փարիզի քաղաքային խորհուրդը կոչ է անում Ֆրանսիային կիրառել պատժամիջոցներ Ադրբեջանի նկատմամբ

Փարիզի քաղաքային խորհուրդը միաձայն ընդունել է բանաձև՝ դատապարտելով Հայաստանի ինքնիշխան տարածքի նկատմամբ Ադրբեջանի ագրեսիան: Այս մասին հայտնում է Ֆրանսիայում ՀՀ դեսպանությունը:

Բանաձևով ադրբեջանական ագրեսիան որակվել է որպես միջազգային իրավունքի և մարդու իրավունքների կոպտագույն խախտում։

Փարիզի քաղաքային խորհուրդը կոչ է արել Ֆրանսիայի կառավարությանը կիրառել պատժամիջոցներ Ադրբեջանի ղեկավարների նկատմամբ։