Մամուլի տեսություն. Հայաստանի արտահանման միայն 21%, իսկ ներկրման 32% բաժին ընկնում ԵԱՏՄ-ին

ՀՀԿ-ում սպասվում է կուսակցության վերնախավի փոփոխություն

30.09.2016

Նոյեմբերի 26-ին Հայաստանի Հանրապետական կուսակցությունը կանցկացնի հերթական համագումարը, բայց այն չի կրի նախընտրական բնույթ, այլ կլինի հաշվետու, որից հետո միայն ՀՀԿ-ն կսկսի պատրաստվել խորհրդարանական ընտրություններին: Այս մասին ՀՀԿ ԳՄ հերթական նիստից հետո հայտարարել է ՀՀԿ խոսնակ, ԱԺ փոխնախագահ Էդուարդ Շարմազանովը։

«Համագումարը լինելու է հերթական, բայց առանցքային կուսակցության համար և չեմ բացառում, որ փոփոխություններ լինեն նաև ղեկավար կազմում»,- ասել է նա:

Շարմազանովը չի բացառել կուսակցության վերնախավի փոփոխություն, քանի էր, նշել է նա, «կուսակցությունը կենդանի մարմին է»: