ԱՄՆ դեսպանը Սյունիքում այցելել է Ադրբեջանի հարձակումներից տուժած ընտանիքների ու անձանց

Սյունիքի մարզում Հայաստանում ԱՄՆ դեսպան Թրեյսին հանդիպել է տեղահանված և սեպտեմբերի կեսերի հարձակումներից տուժած ընտանիքների ու անձանց հետ։ Այս մասին հայտնում են ՀՀ-ում ԱՄՆ դեսպանությունից :

Քննարկվել են մարզի բնակչության առաջ ծառացած մարտահրավերները ու հրատապ խնդիրների լուծման ուղիները։ Դեսպան Թրեյսին եղել է Ակներ գյուղում, որը տուժել էր հրետակոծությունից։

Հանդիպման ընթացքում նա ընդգծել է, որ Միացյալ Նահանգները շարունակում է աջակից լինել Հայաստանի ինքնիշխանությանը։

Նշենք, որ այսօր առավոտյան ԵՄ անդամ պետությունների դեսպանները մեկնել են Գեղարքունիքի մարզի սահմանամերձ հատվածներ, որոնք սեպտեմբերի 13-ից թշնամու թիրախում են։