Դիվանագիտական կորպուսի ներկայացուցիչներն այցելել են այցելել են ագրեսիայից տուժած շրջաններ

Սեպտեմբերի 16-ին Հայաստանում հավատարմագրված դիվանագիտական ներկայացուցչությունների և միջազգային կազմակերպությունների ղեկավարներն այցելել են ադրբեջանական վերջին ագրեսիայի հետևանքով տուժած որոշ շրջաններ:

Դիվանագիտական կորպուսի ներկայացուցիչներին ուղեկցում էր ՀՀ ԱԳ նախարարի տեղակալ Պարույր Հովհաննիսյանը:

Ջերմուկ քաղաքում ՀՀ ԶՈՒ Գլխավոր շտաբի պետ Էդվարդ Ասրյանը պատվիրակությանը մանրամասն ներկայացրել է Ադրբեջանի կողմից Հայաստանի ինքնիշխան տարածքի նկատմամբ սանձազերծված ագրեսիայի հետևանքով ստեղծված իրավիճակը: