Փաշինյանն ԱԺ-ում փակ հանդիպում է անցկացնում թիմակիցների հետ

ՀՀ վարչապետ Նիկոլ Փաշինյանը ժամանել է Ազգային Ժողով:

Այս պահին նա հանդիպում է "Քաղաքացիական պայմանագիր" խմբակցության պատգամավորների հետ: Հանդիպման օրակարգը հայտնի չէ՝ ՔՊ-ականները խորհրդավոր լռում են:

Ենթադրելի է, որ Փաշինյանը թիմակիցների հետ քննարկում է երկրում ստեղծված իրավիճակն ու նաև վաղվա այցը Սամարղանդ, որտեղ մասնակցելու է Շանհայի համագործակցության կազմակերպության հերթական գագաթնաժողովին:

Հիշեցնենք, որ մասնակցության հրավեր են ստացել նաև Ադրբեջանի և Թուրքիայի առաջնորդները։ Մինչ այս պահը վարչապետի աշխատակազմը չի հայտարարել այցի չեղարկման մասին:

Ի դեպ, ժամը 16.30-ին կկայանա ԱԺ-Կառավարություն ավանդական հարցուպատասխանը: