Հայաստանում աշխատողների թվի աճը գրանցվել է բացառապես մասնավոր հատվածի հաշվին

ՀՀ վիճակագրական կոմիտեն հրապարակել է  տվյալներ, համաձայն որի՝ 2022թ. հուլիսին Հայաստանում աշխատողների թիվը կազմել է 683 152 մարդ, որից 202 987-ը՝ պետական հատվածում, 480 165-ը՝ ոչ պետական:

Նախորդ տարվա հուլիսի համեմատ աշխատողների թվաքանակն աճել է 30.7 հազար մարդով կամ 4.7%-ով:

Նախաճգնաժամային 2019թ. հուլիսի համեմատ աշխատողների թիվն աճել է ավելի քան 80 հազարով կամ 13.3%-ով:

Աշխատողների թվի աճը նախորդ տարվա համեմատ գրանցվել է բացառապես մասնավոր հատվածի հաշվին (7% աճ): Պետական հատվածի աշխատողների թիվը նվազել է 0.2%-ով:

Ըստ ոլորտների՝ տոկոսային առումով ամենաբարձր աճը գրանցվել է ՏՏ ոլորտում՝ 43.8%: Ոլորտի աշխատողների թիվը 20.7 հազարից մոտեցել է 30 հազարի:

683 152 հոգուց մեծ մասը զբաղված են մանրամեծածախ առևտրի (122 252 մարդ), կրթության (111 088 մարդ), մշակող արդյունաբերության (79 379 մարդ), առողջապահության և սոցապ սպասարկման (48 996 մարդ) ոլորտներում:

Պետական կառավարման ոլորտում աշխատողների թիվը այս տարվա հուլիսին կազմել է 34 311 մարդ, որը նախորդ տարվա հուլիսի ցուցանիշից ցածր է 4.8%-ով: