ԱՄՆ պետքարտուղարությունը շտապեցնում է Երևանին ու Բաքվին խաղաղության պայմանագրի հարցում

ԱՄՆ պետքարտուղարությունը Հայաստանին և Ադրբեջանին կոչ է արել հասնել համապարփակ խաղաղության համաձայնագրի։ Այս մասին ճեպազրույցում հայտարարել է ԱՄՆ պետքարտուղարության մամուլի ծառայության ղեկավարի առաջին տեղակալ Վեդանտ Պատելը՝ անդրադառնալով այսօր Բրյուսելում կայանալիք Փաշինյան-Ալիև հանդիպմանը:

Նա ասել է, որ նախկինում հնչեցրածին նոր ասելիք չունեն և կրկնել է այն.

«Միացյալ Նահանգները հավատարիմ է մնում ապահով, կայուն, ժողովրդավարական, բարգավաճ և խաղաղ ապագայի խթանմանը Հարավային Կովկասի տարածաշրջանում: Կոչ ենք անում Հայաստանին և Ադրբեջանին ակտիվացնել իրենց դիվանագիտական ներգրավվածությունն ու հասնել համապարփակ խաղաղության համաձայնագրի»,- հավելել է Պատելը։