ՀՀ և Թուրքիայի հատուկ ներկայացուցիչների հանդիպման մասին պայմանավորվածություն չկա. ԱԳՆ

Հայաստանի և Թուրքիայի միջև հարաբերությունների կարգավորման գործընթացի հատուկ ներկայացուցիչների հանդիպման վերաբերյալ պայմանավորվածություններ այս պահին չկան։

Այս մասին հայտնել է ՀՀ ԱԳՆ խոսնակ Վահան Հունանյանը։

«Մենք հանրությանը նախապես, ժամանակին տեղեկացնում ենք Հայաստանի և Թուրքիայի միջև հարաբերությունների կարգավորման գործընթացի հատուկ ներկայացուցիչների հանդիպումների մասին»,- ասել է նա։

Հիշեցնենք, որ ավելի վաղ թուրքական ԶԼՄ-ները հայտնել էին, որ  Հայաստանի եւ Թուրքիայի հատուկ ներկայացուցիչների հինգերորդ հանդիպումը տեղի կունենա սեպտեմբերին։