Շառլ Միշելը «սերտ կապի» մեջ է Հայաստանի և Ադրբեջանի առաջնորդների հետ

Եվրոպական խորհրդի նախագահ Շառլ Միշելը «սերտ կապի» մեջ է Հայաստանի եւ Ադրբեջանի առաջնորդների հետ ղարաբաղյան հակամարտության գոտում վերջին սրացման կապակցությամբ։ Ինչպես հայտնում է news.am-ը հղում անելով Euronews-ին, Միշելն արդեն զրուցել է ՀՀ վարչապետ Նիկոլ Փաշինյանի հետ, եւ մոտ ժամանակներս կզրուցի Ադրբեջանի նախագահ Իլհամ Ալիեւի հետ։

«Նրա թիմը եւ ԵՄ հատուկ ներկայացուցիչ Տոյվո Կլաարը վերջին օրերին սերտ կապի մեջ են եղել երկու կողմերի հետ՝ երկխոսության միջոցով անհապաղ դեէսկալացման եւ օրակարգային բոլոր կետերով առաջընթացի հասնելու համար»: