Ապրիլի 23-ին Ստեփանակերտում տեղի կունենա ջահերով երթ

Ապրիլի 23-ին Ստեփանակերտում տեղի կունենա ջահերով երթ՝ նվիրված Օսմանյան կայսրությունում Հայոց ցեղասպանության 107-րդ տարելիցին։ Այս մասին տեղեկություն է տարածել ՀՅԴ Արցախի երիտասարդական թեւը։

Ժամը 19:00-ին Ստեփանակերտի Սուրբ Հակոբ եկեղեցու բակից կմեկնարկի ջահերով երթը։

«Մեր թշնամիների ծրագրերում ոչինչ չի փոխվել 1915 թվականից հետո։ Իսկ այսօր Արցախի նկատմամբ կիրառվում է նույն ցեղասպանության քաղաքականությունը։

Ուստի այս քաղաքականությանը «ոչ» ասելը, ապրելու մեր ցանկությունը բոլորին լսելի դարձնելը, ազգային դիմադրությունը մեծացնելը, դառնում է յուրաքանչյուր արցախցու պարտքը, ուստի բոլորի մասնակցությունը կարևոր է։

Մասնակցել.

Ապացուցեք, որ չեք հանձնվում:

Ցույց տվեք, որ Արցախը կենդանի է և կապրի:

Այսօր առավել քան երբևէ անհրաժեշտ է աշխարհին ցույց տալ մեր միասնությունը, ուստի խնդրում ենք անպայման մասնակցել ջահերով երթին։

Արցախի ճակատագիրը ձեր ձեռքերում է»,- ասված է կոչում։