ԵՏՀ-ն ներկայացրել է ԵԱՏՄ-ում բնակչության կենսամակարդակի ուսումնասիրությունը 2016-2020թթ.

Եվրասիական տնտեսական հանձնաժողովի վիճակագրության վարչությունը ներկայացրել է Եվրասիական տնտեսական միության երկրների բնակչության կենսամակարդակի 2016-2020թթ. ուսումնասիրությունը:

Մեկ շնչին բաժին ընկնող տնային տնտեսությունների միջին եկամուտը 2020 թվականին տատանվել է 5625 սոմից (73 դոլար) Ղրղզստանում մինչև 30964 ռուբլի (430 դոլար) Ռուսաստանում։ Նշանակվող կենսաթոշակների միջին չափը տատանվում է 6102 սոմից (79 դոլար) Ղրղզստանում մինչև 14986 ռուբլի (208 դոլար) Ռուսաստանում: Միջին ամսական աշխատավարձը տատանվում է 18940 սոմից (245 դոլար) Ղրղզստանում մինչև 51344 ռուբլի (714 դոլար) Ռուսաստանում:

Բոլոր երկրներում տնային տնտեսությունների եկամուտների կառուցվածքում ամենամեծ մասնաբաժինը բաժին է ընկնում աշխատողների աշխատավարձին. Ղրղզստանում` 40,6%, իսկ ՌԴ-ում` մինչև 70,6%: Կենսաթոշակների տեսակարար կշիռը Հայաստանում տատանվում է 12,9%-ից մինչև Բելառուսում 24,5%-ի սահմաններում։ Ձեռնարկատիրական գործունեությունից և ինքնազբաղվածությունից եկամուտը տատանվում է 4,5%-ից Ռուսաստանում մինչև 14,9% Հայաստանում։

Տնային տնտեսությունների ծախսերի կառուցվածքում ամենամեծ բաժինը բաժին է ընկնում պարենային ապրանքներին՝ 33,2%-ից Ռուսաստանում մինչև 54,2%-ը Ղազախստանում։ Ղրղզստանում տրանսպորտը և կապը կազմում են 8%, Ռուսաստանում՝ 18,3%: Բնակարանային և կոմունալ ծառայությունների և վառելիքի մասնաբաժինը ծախսերի կառուցվածքում տատանվել է 7,9%-ից Ղազախստանում մինչև 20,5% Հայաստանում։

Հետազոտությունը պարունակում է նաև տեղեկատվություն կայուն զարգացման նպատակներին հասնելու, մարդկային զարգացման ցուցանիշների, քաղաքային և գյուղական տնային տնտեսությունների եկամուտների և ծախսերի, ինչպես նաև սննդամթերքի գնողունակության և սպառման մասին: