Ադրբեջանական զինուժը հերթական անգամ խախտել է հրադադարը Խրամորթ գյուղի ուղղությամբ. ԱՀ ՊՆ

Մարտի 7-ին ադրբեջանական զինուժը հերթական անգամ խախտել է հրադադարի պահպանման ռեժիմը Ասկերանի շրջանի Խրամորթ գյուղի գերեզմանատան ուղղությամբ, տեղեկացնում են ԱՀ ՊՆ մամուլի ծառայությունից։

«Միջադեպի արդյունքում հայկական կողմից տուժածներ չկան: Հրադադարի խախտման դեպքի վերաբերյալ հավելյալ տեղեկություններ կհաղորդենք ավելի ուշ»,– ասվում է ԱՀ ՊՆ մամուլի ծառայության հաղորդագրությունում: