Արարատ Միրզոյանը կմեկնի Ժնև

ՀՀ արտաքին գործերի նախարար Արարատ Միրզոյանը մեկնում է Ժնև։ Այս մասին հայտնում է ԱԳՆ մամուլի ծառայությունը։

Փետրվարի 28-ից մարտի 1-ը ԱԳ նախարար Արարատ Միրզոյանը աշխատանքային այցով կլինի Ժնևում` մասնակցելու ՄԱԿ-ի Մարդու իրավունքների խորհրդի բարձրաստիճան նիստին: Այցի շրջանակներում տեղի կունենա Հայաստանի` ՄԱԿ-ին անդամակցության 30-ամյակին նվիրված ցուցահանդեսի բացումը:

Նախատեսվում են նախարար Միրզոյանի հանդիպումները մի շարք գործընկերների հետ: