Ուկրաինայում ստեղծված իրավիճակը պայմանավորված է ՆԱՏՕ-ի սադրանքներով. Իրանի ԱԳՆ

Ուկրաինայում ստեղծված իրավիճակը պայմանավորված է ՆԱՏՕ-ի սադրանքներով: Այս մասին հայտարարել է Իրանի արտգործնախարար Հոսեյն Ամիր Աբդոլլահիանը։

Նա հորդորել է կենտրոնանալ խնդրի քաղաքական և ժողովրդավարական լուծումների վրա։

«Ուկրաինական ճգնաժամի արմատը ՆԱՏՕ-ի սադրանքների մեջ է: Մենք չենք հավատում, որ պատերազմը լուծում է: Անհրաժեշտ է հրադադար հաստատել և քաղաքական ու ժողովրդավարական լուծում գտնել»,- գրել է Աբդոլլահիանը Twitter-ի իր միկրոբլոգում, փոխանցում է ՌԻԱ Նովոստին: