Նախապատրաստվում է ՌԴ նախագահ Վլադիմիր Պուտինի այցը Չինաստան. Կրեմլ

Փետրվարի սկզբին ՌԴ նախագահ Վլադիմիր Պուտինի Պեկին կատարվելիք այցի նախապատրաստական ​​աշխատանքները շարունակվում են, սակայն Կրեմլը պատրաստ է ճկունություն ցուցաբերել՝ կախված համաճարակաբանական իրավիճակի զարգացումներից։ Այս մասին լրագրողներին հայտնել է նախագահի խոսնակ Դմիտրի Պեսկովը, գրում է ՏԱՍՍ-ը։


«Այցը նախապատրաստվում է, ընդ որում շատ ու շատ բարդ պայմաններում։ Մեր չինացի ընկերները, իհարկե, առավելապես ուշադրություն են ցուցաբերում սանիտարահիգիենիկ անվտանգության ապահովման հարցերին։ Այս առումով ի հայտ են գալիս սանիտարական անվտանգության ապահովման լրացուցիչ պահանջներ, որոնք մենք քննարկում ենք մեր չինացի գործընկերների հետ»,- ասել է Պեսկովը։


Նա նաև հույս է հայտնել, որ չնայած աշխարհում օմիկրոնի շտամի տարածման հետ կապված իրավիճակի զարգացմանը, ամեն ինչ կընթանա ըստ պլանի։ «Ամեն դեպքում մենք  նախապատրաստվում ենք»,- ընդգծել է նա։


 

Տպել

Թեմայի այլ նորություններ
Загрузка...