Բուք, ձյուն և մերկասառույց. ՀՀ տարածքում կան փակ և դժվարանցանելի ավտոճանապարհներ

ՀՀ արտակարգ իրավիճակների նախարարությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ:

Ամբերդ ամրոցից Արագածոտնի մարզի Քարի լիճ տանող ավտոճանապարհը փակ է:

Վարդենյաց լեռնանցքը (բուք) փակ է կցորդով բեռնատարների համար, դժվարանցանելի է մյուս տեսակի տրանսպորտային միջոցների համար:

Շիրակի մարզի Ամասիայի տարածաշրջանի միջհամայնքային ավտոճանապարհները և Գյումրի-Ամասիա Գյումրի-Բավրա (բուք) ավտոճանապարհները դժվարանցանելի են:

Սյունիքի մարզում (բացի Կապան քաղաքից), Կոտայքի մարզի Հրազդան քաղաքում, Արագածոտնի մարզի Թալին, Ապարան և Արագած շրջաններում, Արարատի մարզի Տիգրանաշենի ոլորաններում և Սյունիքի մարզի բարձրադիր հատվածներում տեղում է ձյուն:

Արագածոտնի մարզի Ապարան-Արագած ավտոճանապարհին առկա է մերկասառույց:

Արագածոտնի մարզի Աշտարակ քաղաքում մառախուղ է:

Լարսի մասին

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի Հանրապետության գլխավոր վարչությունից ստացված տեղեկատվության համաձայն Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար:

Վարորդներին խորհուրդ է տրվում երթևեկել բացառապես ձմեռային անվադողերով: