Ուորլիք. Սարգսյանն ու Ալիևը որոշել են ընդլայնել ԵԱՀԿ մոնիթորինգային խումբը Ղարաբաղում

Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը որոշել են ընդլայնել ԵԱՀԿ մոնիթորինգային խումբը Ղարաբաղում: Այս մասին ՌԻԱ Նովոստիին ասել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը:

«ԵԱՀԿ ՄԽ համանախագահներն ակտիվ աշխատում են լարվածության նվազեցման և հակամարտության խաղաղ կարգավորման, ինչպես նաև բանակցային գործընթացի հետագա առաջխաղացման համար Վիեննայում և Սանկտ Պետերբուրգում կայացած հանդիպումների ժամանակ նախագահների ստանձնած պարտավորությունների իրականացման ուղղությամբ: Նախագահները եկել են համաձայնության շփման գծի երկայնքով և հայ-ադրբեջանական սահմանին ԵԱՀԿ մոնիթորինգային խմբի ընդլայնման հարցի շուրջ: Նախատեսվում է հակամարտության կարգավորման ուղղությամբ ընդարձակ բանակցությունների շարունակություն՝ յուրաքանչյուր կողմից բարձրաստիճան պաշտոնատար անձանց ներգրավմամբ»,- ասել է Ուորլիքը:

Նա նաև նշել է, որ դիվանագիտական առաջընթացն անհրաժեշտ է կողմերի միջև լարվածությունը նվազեցնելու համար:

Հիշեցնենք, որ Հայաստանի և Ադրբեջանի նախագահները հանդեպել են մայիսին Վիեննայում, իսկ վերջին հանդիպումը տեղի է ունեցել Սանկտ Պետերբուրգում հունիսի 20-ին՝ ՌԴ նախագահ Վլադիմիր Պուտինի նախաձեռնությամբ և մասնակցությամբ:

Տպել

Թեմայի այլ նորություններ
Загрузка...