Իշխանության քաղաքականությունը սոցիալական ոլորտում՝ «խրախճանք ժանտախտի ժամանակ». Քոչարյան

Սոցիալական ոլորտում գործող իշխանությունների վարած քաղաքականությունը Հայաստանի երկրորդ նախագահ, «Հայաստան» ընդդիմադիր դաշինքի առաջնորդ Ռոբերտ Քոչարյանը համեմատում է «ժանտախտի ժամանակ խնջույքի» հետ։


Քոչարյանը նշել է, որ գործող իշխանության կառավարման արդյունքը Հայաստանում աղքատության աճն էր: Երկրորդ նախագահի գնահատմամբ՝ Հայաստանում աղքատության մակարդակը կազմում է շուրջ 27-30 տոկոս։ Դրան զուգահեռ, մի քանի անգամ աճել է գործող իշխող էլիտայի կենսամակարդակը, ընդգծել է Քոչարյանը։


Նա ընդգծել է, որ աճող աղքատության ֆոնին իշխանությունները չեն դադարեցնում պարգեւավճարների տրամադրումը, զգալի միջոցներ են ծախսում իրենց պահպանության համար, ձեռք են բերում թանկարժեք ավտոմեքենաներ, իրենց թույլ են տալիս շքեղ ուղեւորություններ: «Դա ժանտախտի ժամանակ խրախճանք է հիշեցնում», - հայտարարել է նա: Ռոբերտ Քոչարյանն ակնհայտ է համարում Հայաստանում աղքատների ու հարուստների բևեռացումը։


Քոչարյանը լիակատար ձախողում է համարել նաև կորոնավիրուսի պանդեմիայի դեմ իշխանությունների վարած քաղաքականությունը։


Նա ընդգծել է, որ մարդուն բարձրագույն արժեք հայտարարած իշխանությունները ոչինչ չեն անում մարդկանց երկրում պահելու համար։ Քոչարյանը նշել է, որ անցած 9 ամիսների ընթացքում երկիրը լքել է 109 հազար մարդ, անցած ժամանակահատվածում շուրջ 34 հազար հայեր ընդունել են Ռուսաստանի քաղաքացիություն:


«34 հազար մարդ Աբովյան քաղաքն է՝ հաշվի առնելով այնտեղ փաստացի բնակվող բնակչությունը», - հայտարարել է Քոչարյանը:


Նա ցավով նշեց, որ երկիրը լքում են ոչ միայն ընդդիմադիր հայացքներ ունեցող քաղաքացիները, այլև նրանք, ովքեր քվեարկել են գործող իշխանության օգտին: «Սիրելի հայրենակիցներ, ինչու եք հեռանում Հայաստանից։ Մնացեք այստեղ եւ վայելեք ձեր ընտրությունը: Ինչու եք մեզ մենակ թողնում ձեր սիրելի իշխանության հետ», - նշել է Քոչարյանը՝ դիմելով երկիրը լքած քաղաքական ուժի ընտրողներին՝ վարչապետ Նիկոլ Փաշինյանի գլխավորությամբ։


 


 

Տպել

Թեմայի այլ նորություններ
Загрузка...