«Օմիկրոնը» հասավ Վրաստան

Վրաստանում հայտնաբերել են կորոնավիրուսի «Օմիկրոն» շտամով վարակման երկու դեպք։ Այս մասին հայտնել է Հիվանդությունների վերահսկման ազգային կենտրոնի ղեկավար Ամիրան Գամկրելիձեն։

Նրա խոսքով՝ երկու հիվանդներն էլ Վրաստանի քաղաքացիներ են։ Նրանցից մեկը վերադարձել է Դուբայից, երկրորդը՝ ԱՄՆ–ից։ Նրանց հետ շփվել է 26 մարդ, որոնց նույնպես թեստավորել են։ Երկուսի հիվանդությունն էլ ընթանում է թեթեւ ձեւով, եւ նրանք գտնվում են տանը, ինքնամեկուսացման մեջ:

Նոր շտամով վարակման առաջին դեպքն արդեն գրանցվել է Իրանում։ Երկրի առողջապահության նախարարության տվյալներով՝ հիվանդը միջին տարիքի տղամարդ է, որը բնակվում է Թեհրանում։ Վերջերս նա վերադարձել է ԱՄԷ-ից։