Արցախը պաշարված է արդեն մեկ շաբաթ։ Սա լրիվ ուրիշ ռեժիմ է։ Արցախի պաշարման հիմքը դրվեց 2022թ․ հոկտեմբերի 6–ին Պրահայում, որտեղ Նիկոլ Փաշինյանը ճանաչեց Արցախն Ադրբեջանի կազմում։ Այս մասին ֆեյսբուքյան իր էջում գրել է ԱԺ "Հայաստան" խմբակցության պատգամավոր Անդրանիկ Թևանյանը:"Ալիևը միջազգային հանցագործություն է իրականացնում՝ հիմք ընդունելով Նիկոլ Փաշինյանի դիրքորոշումը։ Արցախի պաշարման հարցում մեղավոր է նաև Արցախի ղեկավարությունը՝ Արայիկ Հարությունյանի գլխավորությամբ։ Փաշինյանի վարած քաղաքականության թեմայով լռելը, առավելևս՝ այդ ամենին սատարելը նշանակում է հանցակից լինել։ Եթե մինչև վերջերս Երևանը փող էր տալիս Ստեփանակերտին ու ձեռքերը լվանում, իսկ Ստեփանակերտում մսխում էին Երևանից ստացած փողերը, ապա հիմա փողը զրո է դառնում, քանզի սպառվող ալյուրի պայմաններում փողը լավագույն դեպքում կարող է զուգարանի թղթի դեր կատարել։Արցախի պաշարման հարցում էլի մեղավորներ կան, բայց նշվածները հիմնականներն էին",- գրել է Թևանյանը։