Անկախության հռչակագրի վրա հարձակումներից և "պատմական Հայաստանը" "իրականին" անընդհատ հակադրվելուց հետո ՀՀ վարչապետ Նիկոլ Փաշինյանն այժմ որոշել է դեմ հանդես գալ հայ ժողովրդի պատմության նկատմամբ ստանդարտ մոտեցմանը:
Նա պնդում է, որ այս պատմության մեծ մասը ձևավորվել է ԽՍՀՄ ժամանակաշրջանում աշխարհաքաղաքական նպատակներով, և ինքը մտադիր է փոխել այս իրավիճակը:
"Հայ ժողովրդի պատմության այն բովանդակության 70-80 տոկոսը, եթե ոչ ավելին, որը գոյություն ունի այսօր, ձևավորվել է Խորհրդային Միության տարիներին", - դժգոհել է Փաշինյանը, ապրիլի 11-ին ելույթ ունենալով խորհրդարանում, Հայաստանի կառավարության 2023 թվականի ծրագրի կատարողականի հաշվետվության քննարկման ժամանակ։
Նրա խոսքով՝ հայ ժողովրդի պատմությունը ԽՍՀՄ-ում գրվել է՝ հաշվի առնելով մեծ պետության աշխարհաքաղաքական պատկերացումները։ Նպատակը, ինչպես նա ձևակերպեց, պատկերացում ստեղծելն էր, որ այս ժողովուրդը պաշտպանության և հովանավորության կարիք ունի իր տարածաշրջանում, որպեսզի աջակցի որոշակի քաղաքական և աշխարհաքաղաքական նպատակների:
"Եվ այսօրվա պատմական Հայաստանի նարատիվների մի հսկայական մասը ոգեշնչված է Խորհրդային Միության, այսինքն՝ կայսրության կողմից տարվող տարածաշրջանային քաղաքականությամբ", - ասաց նա:
Փաշինյանը նաև հետաքրքրվել է, թե ինչպես են տեղի ունեցել որոշակի իրադարձություններ Խորհրդային Միությունում ։
"Ասում են, որ մեր ուսանողները հաղթել են ԿԳԲ-ին։ Իրականում ԿԳԲ-ն հաղթեց մեր ուսանողությանը և նրան դրեց մի վիճակի մեջ, որ իրեն թվա, որ ինքն է այս մեծ նվաճմանը հասել, մինչդեռ ինքը ոտքով, գլխով, կոշիկով, ամեն ինչով ընդամենը հագնում է ֆորպոստի ֆորման", - ասել է նա
Ավելի վաղ Հայաստանի վարչապետը բազմիցս բողոքել էր երկրի Սահմանադրության հիմքում ընկած Անկախության հռչակագրից՝ նշելով, որ այն ճակատագրական ռիսկեր է պարունակում հանրապետության համար:
Այնուհետև Երևանի և Մոսկվայի միջև սաստկացող հակասությունները նա անվանել է "պատմական հայ-ռուսական հարաբերություններից իրական հարաբերությունների" անցում: Եվ սա, ինչպես նա է հայտարարել, ավելի ընդհանուր գործընթացի մի մասն է՝ "իրական և պատմական Հայաստանի միջև սահմանազատում", որոնք "ոչ միայն անհամատեղելի են, այլև լուրջ սպառնալիքներ են ստեղծում միմյանց համար"։
