Փոխվարչապետ Մհեր Գրիգորյանը և Ամերիկայի Միացյալ Նահանգների Միջազգային զարգացման գործակալության հայաստանյան առաքելության տնօրեն Ջոն Ալելոն ստորագրել են ՀՀ և ԱՄՆ միջև զարգացմանն ուղղված համագործակցության դրամաշնորհային համաձայնագրի փոփոխությունը: Վերջինիս արդյունքում ավելի քան կրկնապատկվում է ԱՄՆ ՄԶԳ-ի համաձայնագրի շրջանակում տրամադրվող գումարի շեմը՝ 120 միլիոն դոլարից դառնալով 250 միլիոն դոլար, ինչպես նաև ընդլայնվում են համատեղ ծրագրերի ոլորտները: Այս մասին գրում է Հանրապետության հրապարակ տելեգրամյան ալիքը:USAID-ն ՀՀ-ում շարունակելու է ձևավորել ՀԿ-ների ցանց, որոնք կյանքի են կոչելու ՀՀ-ն ՌԴ-ից «կտրելու» քաղաքականություն՝ Արևմուտքի շահերի լոբբինգով են զբաղվելու, ինչպես նաև ՀՀ-ում բարձրացնելու են հակառուսական տրամադրություններ։USAID-ը ինչպես հայտնի է ԱՄՆ-ի հատուկ ծառայությունների «soft power»-ն է և աշխարհի տարբեր երկրներում այդ կազմակերպությունը զբաղվում է հետախուզական ցանցեր ստեղծելով և ազդեցության գործակալներ «աճեցնելով»։ ԱՄՆ-ն իր գեոպոլիտիկ շահերի լոբբինգով զբաղվող ցանց է ձևավորել ՀՀ-ում՝հազարավոր ՀԿ-ներ տեսքով, որոնք իրականացնում են տարբեր ծրագրեր՝բնապահպանական, ՏՏ ոլորտում, բիզնես, մեդիայի և բազմաթիվ այլ ոլորտներում, որոնք ընգրկում են տնտեսական և քաղաքացիական հասարակության բազմաթիվ շերտեր և ոլորտներ։ԱՄՆ Միջազգային զարգացման գործակալությունը Հայաստանի համար առանցքային գործընկեր է ժողովրդավարության ամրապնդման ու Հայաստանի թվային վերափոխման օրակարգի իրականացման գործում։ Այս մասին հայտարարել է Բարձր տեխնոլոգիական արդյունաբերության նախարար Մխիթար Հայրապետյանը՝ ԱՄՆ Միջազգային զարգացման գործակալության ղեկավար Սամանթա Փաուերի հետ համատեղ հայտարարության ժամանակ։Հայրապետյանը շնորհակալություն հայտնեց Միացյալ Նահանգներին կիբեռանվտանգության ոլորտում Հայաստանի կարողությունների ամրապնդման գործում շարունակական աջակցության համար: Նիկոլ Փաշինյանի և ՔՊ-ի օրոք USAID-ի գործունեությունը ՀՀ-ում ավելացել է և ֆինանսավորումը մեծացել է։ Հասկանալի է, որ դա արվում է ՔՊ-ի հակառուսական արտաքին քաղաքական ուղենիշին աջակցելու համար, ինչպես նաև ՌԴ-ԱՄՆ «սառը պատերազմի» կոնյուկտուրային պայմաններում։Հիշեցնենք, որ USAID-ը 2023-ի մարտին «Մեդիա ծրագիր Հայաստանում» ծրագրի իրականացման համար 15 միլիոն ԱՄՆ դոլարի համաձայնագիր է ստորագրել ամերիկյան «Ինտերնյուս նեթվորք» կազմակերպության հետ, որն աշխատելու է մեդիաոլորտի զարգացման հարցերով զբաղվող տեղական ՀԿ-ների, մասնավորապես՝ «Մեդիա նախաձեռնությունների կենտրոնի» եւ «Երեւանի մամուլի ակումբի», ինչպես նաեւ «Զինք նեթվորք» միջազգային խմբի հետ։ Ծրագիրը միտված է Հայաստանի տեղեկատվական տիրույթի ամրապնդմանը՝ լրագրողական ստանդարտների եւ բովանդակության որակի բարելավման, մրցունակության եւ հասարակության համար հետաքրքրություն ներկայացնող ԶԼՄ-ների ֆինանսական կենսունակության խթանման եւ անկախ տեղեկատվական հոսքերի համար նպաստավոր միջավայրի ապահովման միջոցով։ Նշենք, որ ԱՄՆ դեսպանության Հանրային դիվանագիտության գրասենյակը հայտարարել է 2,3 միլիոն ԱՄՆ դոլար ներդրման մասին, որն ուղղվելու է լրագրողական փորձի փոխանակման ծրագրերի իրականացմանը եւ լրագրողական կրթության մագիստրոսական ծրագրի ձեւավորմանը Հայաստանում։ Առաջին բաղադրիչը հայ-ամերիկյան մասնագիտական փոխգործակցության նախագիծն է՝ նախատեսված պրոֆեսիոնալ լրագրողների համար։ Երկրորդը՝ հայ-ամերիկյան համալսարանական փոխգործակցության ծրագիր է, որի միջոցով լրագրության գերազանցության կենտրոն կձեւավորվի հայաստանյան բուհերից մեկում։ԱՄՆ-ն ձևավորում է ամերիկամետ, Արևմուտքին լոյալ մեդիացանցեր՝դա լինելու է ՌԴ-ի դեմ «հիբրիդային պատերազմի» գործիքներից մեկը։Այսպիսով, USAID-ին դարձել է ՀՀ-ում ազդեցիկ գործոն, «ստվերային կառավարություն», որը ՀՀ-ում ստեղծում է «deep state», որը զվաղվելու է ամերիկյան գեոպոլիտիկ շահերը սպասարկելով՝ԱՄՆ դեսպանատան ընդհանուր կուրացիայով։ © Площадь Республики/Հանրապետության հրապարակ