Ինչպես և հայտարարել էր ընդդիմությունը, առավոտյան 8:30-ից մեկնարկել են խաղաղ անհնազանդության ակցիաները: Երևանի կենտրոնական մի շարք փողոցներ փակ են, երթևեկությունը կաթվածահար։ «Դիմադրության» շարժման անդամներն ու բազմաթիվ քաղաքացիներ փակել են կենտրոնական փողոցներ։ Մասնավորապես, փակ են դեպի օպերա տանող ճանապարհները, Գնունիի խաչմերուկը, դժվարանցանելի է Աբովյան փողոցը: VERELQ-ի թղթակիցը հայտնում է, որ փողոցների փակ լինելու պատճառով գերբեռնված է Երևանի մետրոպոլիտենը:
