ՀՀ ԱԺ «Քաղաքացիական պայմանագիր» խմբակցության պատգամավոր Ծովինար Վարդանյանը ներկայացրել է, ինչ փոփոխություններ են նախատեսել իշխանությունները «Ապօրինի ծագում ունեցող գույքի բռնագանձման մասին» օրենքում: Մշակված օրինագիծը կքննարկվի մայիսի 19-ին ԱԺ արտահերթ նիստին։ «Արտահերթ նիստի օրակարգում ընդգրկված «Ապօրինի ծագում ունեցող գույքի բռնագանձման մասին» օրենքում առաջարկվող փոփոխություններով․ 1․ Ընդլայնվում է պաշտոնատար անձանց շրջանակը, ում նկատմամբ կարող է սկսվել ուսումնասիրություն այս օրենքի շրջանակներում, 2. Սահմանվում են ուսումնասիրության աշխատանքների համար առավել ողջամիտ ժամկետներ, 3. Թույլատրվում է իրավասու մարմնին ուսումնասիրության ընթացքում ձեռք բերված տվյալների հիման վրա նախաձեռնել այլ անձի նկատմամբ ուսումնասիրություն, 4. Սահմանվում է բռնագանձման ենթակա գույքի շուկայական արժեքի որոշման ճկուն մեխանիզմ»։
