ԲՀԿ-ի գործունեությունը ֆինանսավորելու և համակարգելու է ՀՀ-ի վարչապետ Հովիկ Աբրահամյանը: Մի շարք ԲՀԿ-ականներ՝ Նաիրա Զոհրաբյանը, Տիգրան Ուրիխանյանը, Աբրահամ Մանուկյանը, Ստեփան Մարգարյանը, Միքայել Մելքումյանն ու էլի մի քանիսը վերջերսԲաղրամյան 26-ում հանդիպել են Սերժ Սարգսյանին ով ասել է, որ Ծառուկյանն այլևս չի խառնվելու կուսակցության հարցերին: «Ժողովուրդ» թերթի տեղեկություններով՝ Նաիրա Զոհրաբյանն այդ օրն ասել է, թե իրենք հանդես կգան ընդդիմության դիրքերից, ինչին Սերժ Սարգսյանը չի առարկել՝ ասելով, որ կուսակցության ընթացիկ «խնդիրներով» զբաղվելու է ՀՀ վարչապետ Հովիկ Աբրահամյանը, և հանձնարարել է գնալ նրա մոտ: Աբրահամյաննիր հերթին ԲՀԿ-ականներին տեղեկացրել է, որ կուսակցության նախագահը պետք է լինի Նաիրա Զոհրաբյանը, քաղաքական որոշումների մենաշնորհը նրան է տրվելու (իր հետ համաձայնեցնելու պայմանով), իսկ ԲՀԿ-ի ֆինանսավորման խնդիրը լուծելու է ինքը՝ Աբրահամ Մանուկյանի միջոցով: ԲՀԿ-ի խնդիրները ծագեցին Սերժ Սարգսյանի փետրվարի 12-ի ելույթից հետո, երբ երկրի ղեկավարը Գագիկ Ծառուկյանին չարիք և վայ քաղաքական գործիչ է անվանել՝խոստանալով քաղաքական դաշտը մաքրել նմանատիպ մարդկանցից: Սարգսյանը Ծառուկյանին մեղադրել է նաև միլիարդավոր հարկեր չվճարելու համար: Ծառուկյանի պատասխանը երկար սպասեցնել չտվեց: Ելույթ ունենալով ԲՀԿ-ի քաղխորհրդի նիստում Ծառուկյանը համաժողովրդական մոբիլիզացիայի կոչ արեց, որի նպատակը պետք է լիներ Սերժ Սարգսյանի հրաժարականը: Սակայն Ծառուկյան-Սարգսյան հանդիպումից հետո ԲՀԿ-ն հնարավոր բախումներից և սադրանքներից զերծ մնալու համար հրաժարվեց փետրվարի 20-ին նախատեսված հանրահավաքից: Մարտի 5-ին Ծառուկյանը կուսակցության համագումարում հայտարարեց ԲՀԿ-ի նախագահի պաշտոնը թողնելու մասին: Կուսակցության նախագահ ընտրվեց Նաիրա Զոհրաբյանը:
