Թուրքիան և Ադրբեջանը կարագացնեն Տրանսանատոլիական գազամուղի (TANAP) շինարարությունը: Այդ մասին հայտարարել է Թուրքիայի էներգետիկայի նախարար Բերատ Ալբայրակը: Ինչպես հայտնում է İhlas գործակալությունը, Ալբայրակը նշել է, որ ադրբեջանական գազը TANAP-ով Թուրքիա կհասնի 2018թ.-ից ավելի շուտ: Այդ գազամուղը թույլ կտա Թուրքիային ավելացնել ադրբեջանական գազի ներկրումը տերական վեց միլիարդ խմ-ով և հնարավորություն կտա Բաքվին Եվրոպա արտահանել 10 միլարդ խմ գազ: Ալբայրակը նշել է, որ ադրբեջանական գազի ներկրումը թույլ կտա նվազեցնել Թուրքիայի ՌԴ-ից ու Իրանից գազային կախվածությունը: Նա հավելել է, որ Ադրբեջանն ու Թուրքիան իրականացնում են կարևոր էներգետիկ նախագծեր, որոնց թվում TANAP-ը:
