Verelq News | Նորություններ

06.10.2017

Իրանի հետ գործարքից Վաշինգտոնի դուրս գալը կտանի ԱՄՆ-ի մեկուսացման. Բայդեն

ԱՄՆ նախկին փոխնախագահ Ջոզեֆ Բայդենը հայտարարել է, որ իրանական միջուկային ծրագրով միջազգային համաձայնագրից Ամերիկայի հնարավոր դուրս գալն արդյունքում կտանի ԱՄՆ-ի, այլ ոչ թե Իրանի մեկուսացման։ Այս մասին նա ասել է Ռազմավարական և միջազգային հետազոտությունների վաշինգտոնյան կենտրոնում իր ելույթի ժամանակ։Նա հիշեցրել է, որ Իրանի հետ համաձայնագիրը վերաբերվում է մեծ «վեցյակի» բոլոր երկրներին՝ Ռուսաստանին, Մեծ Բրիտանիային, Չինաստանին, ԱՄՆ-ին, Ֆրանսիային և Գերմանիային։«Այդ գործարքից միանձնյա հեռացումը չի տանի Իրանի մեկուսացման, այն կտանի ԱՄՆ-ի մեկուսացման»,-ասել է Բայդենը։Բայդենը նաև հիշեցրել է, որ Ատոմային էներգիայի միջազգային գործակալությունն արդեն հաստատել է Իրանի կողմից համաձայնագրի իրագործումը։ Մինչ այդ ԶԼՄ-ները հայտնել էին, որ ԱՄՆ նախագահ Դոնալդ Թրամփը մտադիր է հայտարարել գործարքի չեղարկման մասին, քանի որ այն չի համապատասխանում ԱՄՆ շահերին։