Ադրբեջանն ու Իրանը պայմանավորվել են Հյուսիս–Հարավ տրանսպորտային միջանցքի մաս հանդիսացող Ռեշտ–Աստարա երկաթգծի ֆինանսավորման պայմանների շուրջ։ Այդ մասին հայտարարել է Իրանի ԿԲ–ի միջազգային հարցերով գլխավոր տնօրեն Հուսեյն Յաղուբին։Նա նշել է, որ Ադրբեջանը համաձայնվել է 500 միլիոն դոլարի վարկ տրամադրել երկաթգծի 164 կմ հատվածի շինարարության համար։Յաղուբին հավելել է, որ վարկային համաձայնագրի կնքման պաշտոնական արարողությունը կկայանա մոտակա ժամանակներս Թեհրանում։
